Wednesday, June 29

सिद्धार्थ शुक्लाको ३ महिनापछि बिहे हुने तय थियो, इंगेजमेन्ट भइसकेको थियो (हेर्नुस भीडीयो)

September 5, 2021 272

काठमाडौं। टेलिभिजन अभिनेता तथा बिग बोस १३ का विजेता सिद्धार्थ शुक्लाको आकस्मिक निधनले मनोरञ्जन उद्योग शोकमा डुबेको छ । सिद्धार्थको निधनले उनको परिवारका साथै उनकी सबैभन्दा नजिककी मित्र शहनाज गिल निकै शोकमा छिन् । सिद्धार्थको निधनपछि उनी र शहनाजबीचको सम्बन्धका बारेमा नयाँ खुलासा भएको छ । यी दुईले बिहे गर्ने तय थियो । शहनाजकी निकटकी मित्रको हवाला दिँदै यसको खुलासा गरिएको छ ।

टाइम्स अफ इण्डियाले आफ्नो रिपोर्टमा सिडनाजको आउँदो डिसेम्बरमा बिहे तय भएको खुलासा गरेको छ । रिपोर्टका अनुसार यी दुईको इंगेजमेन्ट भइसकेको थियो र उनीहरु अब बिहेको तयारीमा थिए । उनीहरुले परिवारलाई यसबारे बताएका थिए र परिवारले बिहेको तयारी गरिरहेका थिए । मुम्बइको एक होटलमा कोठा, बेंक्वेट र अन्य सेवाको लागि कुरा पनि भइरहेको थियो ।

उनीहरुको बिहे ३ दिनको हुने थियो । सिद्धार्थ र शहनाजका साथै उनीहरुमा परिवार र आफन्तले यो कुरा निकै गोप्य राखेका थिए । यही बीचमा २ सेप्टेम्बरमा सिद्धार्थको निधनसँगै यी सपना अधुरै रहेका छन् । अब सिद्धार्थ र शहनाज कहिल्यै एउटै बन्धनमा बाँधिन पाउने छैनन् । यी दुईको जोडीलाई फ्यानले पनि निकै रुचाएका थिए ।

प्रतिकृया दिनुहोस्