Sunday, October 2

पल शाह घटना : शर्मिला वाइवा सहित किशोरी वारे नानाथरी बोल्ने र लेख्ने आधा दर्जन युट्युवर पक्राउ

March 7, 2022 373

काठमाडौँ । अभिनेता पल शाहलाई एक किशोरीलाई कर णी गरेको अभियोगमा पक्राउ गरेपछि सामाजिक सञ्जाल र युट्युवमा उनी किशोरीका बारेमा नानाथरी बोल्ने र लेख्नेहरु पक्राउ पर्न थालेका छन् । किशोरीको चरित्र वारे विभिन्न आरोप लगाउँदै युट्युवमा भिडियो बनाउने र सामाजिक सञ्जाल फेसवुकमा लेख्नेहरुलाई प्रहरीले पक्राउ गर्न थालेको हो ।

प्रहरीको साइबर ब्युरोले राहुल थापा र दिपु भन्ने विकास महर्जनलाई पक्राउ गरेको छ। राहुललाई युट्युबमार्फत नाबालिगको चरित्रबारे अस्वभाविक कुरा बोलेको आरोपमा पक्राउ गरिएको हो भने महर्जनले सामाजिक सञ्जाल फेसबुकमा जथाभावी लेखेका थिए । दुवै विरुद्ध विरुद्ध काठमाडौँ जिल्ला अदालतबाट पाँच दिन हिरासतमा राख्ने म्याद लिएको ब्युरोका प्रवक्ता नवीन्द्र अर्यालले जानकारी दिए।

अभिनेता पल शाह नाबालिगलाई इच्छा विपरित कर णी गरेको आरोपमा पक्राउ परे पछि सामाजिक सञ्जालका प्रयोगकर्ता र अझ विशेष युट्युवरहरुले पीडितको गोपनीयता उलङ्घन गर्दै सामाग्रीहरू प्रसारण गरेका थिए। जिल्ला प्रहरी कार्यालय तनहुँको गेट अगाडी पीडकको पक्षमा नारावाजी गर्दै प्रहरीको अनुसन्धान प्रकृयामा बाधा पुर्याउने कार्य गर्दै आएका थिए ।

ब्युरोका अनुसार थापा सेलेब्स नेपाल नामक युट्युबका सञ्चालक हुन्। उनले नाबालिग पीडितको मानमर्दन हुने सामाग्री प्रकाशन गरेको प्रहरीको दाबी छ। महर्जनमाथि नाबालिगको अ श्ली ल तस्बिर तथा स्ट्याटस फेसबुकमा अपलोड गरेको आरोप लागेको छ ।

प्रहरीले विभिन्न युट्युबमा पलको पक्षमा अन्तर्वार्ता दिँदै नाबालिग माथि विभिन्न लाच्छना लगाउने र नाबालिगको पक्षमा देखिएका कलाकारहरूका विरुद्ध पनि जथाभावी बोल्ने शर्मिला वाइबालाई समेत नियन्त्रणमा लिएको छ। तर उनीबारे भने ब्युरोले आधिकारिक रूपमा केही बोलेको छैन। प्रहरीले आधा दर्जन युट्युबहरूलाई नियन्त्रणमा लिएर अनुसन्धान गरिरहेको छ।

प्रतिकृया दिनुहोस्