Thursday, May 6

भलिबलका अन्तराष्ट्रिय खेलाडी रिमालको निधन

December 26, 2020 113

काठमाडौँ — नेपालको राष्ट्रिय खेल भलिबलका पूर्वअन्तर्राष्ट्रिय खेलाडी तथा मुख्य प्रशिक्षक सुदेश रिमालको शुक्रबार निधन भएको छ ।

भक्तपुरस्थित निवासमा सोमबार ब्रेन ह्यामरेज भएपछि बाँसबारी न्यूरो अस्पतालमा उपचाररत ५६ वर्षे रिमालको शुक्रबार निधन भएको पुष्टि गरिएको छ ।
पर्साको वीरगन्जमा जन्मिएका रिमाल दोस्रो पुस्ताका भलिबल खेलाडी थिए । २०४० सालपछि करिब एक दशक राष्ट्रिय टोलीका सदस्य रहेका रिमालले सन् १९८६ मा दक्षिण कोरियाको सोलमा भएको एसियाली खेलकुदमा नेपाली टिमको प्रतिनिधित्व गरेका थिए ।

रिमालले २०४२ सालमा वीरगन्जमा आयोजित तेस्रो राष्ट्रिय खेलकुदमा नारायणी अञ्चलको टोलीबाट राष्ट्रिय प्रतियोगितामा डेब्यु गरेका हुन् । उनी ओपन स्पाइकरको पोजिसनबाट खेल्थे ।

प्रतिकृया दिनुहोस्