Saturday, April 17

एक, दुई, तीन होइन, यी महिलाले जन्माइन एकैसाथ ६ बच्चा !

December 27, 2020 220

एजेन्सी । तपाईँले जुम्ल्याहा, तिम्ल्याहा बच्चा जन्मेको त सुन्नु भएकै थियो ।एक महिलाले एकसाथ ६ बच्चा जन्माएकी छन् ।भारतको मध्य प्रदेशको एक अस्पतालले एक महिलाले एक पटकमा ६ बालबालिकाको जन्म दिएको पुष्टि गरेको छ ।

श्योपुर जिल्लाको सरकारी अस्पतालमा गर्भवती मुर्ती बाई अस्पताल पुगिन् ।चिकित्सकको सहायतामा उनले अस्पतालमा ६ बच्चाको जन्म दिइन् ।सबै बच्चाको तौल सामान्य रहे पनि दुई बच्चाको मृत्यु भयो । अरु चार बच्चालाई अस्पतालमा भर्ना गरेर राखिएको छ । चिकित्सकले ६ बच्चा जन्माउने विषयलाई दुर्लभ भनेका छन् ।

अन्य समाचार : अन्ततः भदौ ३१ गतेसम्म निजी तथा सार्वजनिक सवारीमा जोर बिजोर लागू गरि संचालन गर्न निर्णय डडेल्धुरा । डडेल्धुरामा जारी निषेधाज्ञालाई खुकुलो बनाइएको छ। जिल्ला स्तरीय कोभिड–१९ जोखिम व्यवस्थापन समिति (डिसिसिएमसी) को शुक्रबारको बैठकले निषेधाज्ञालाई खुकुलो बनाउने निर्णय गरेको हो।

जिल्लामा जारी निषेधाज्ञालाई भदौ ३१ सम्म खुकुलो बनाउने गरी लम्ब्याइएको सहायक प्रमुख जिल्ला अधिकारी बाबुराम अर्यालले जानकारी दिए ।

जिल्लामा संचालित अत्यावश्यक सेवा तथा बस्तुहरु बिक्री वितरण गर्ने पसलहरू बाहेक सम्पूर्ण पसल शुक्रबारदेखि भदौ ३१ गतेसम्मका लागि बिहान ६ बजेदेखि साँझ ७ बजेसम्म मात्रै संचालन गर्न पाउने छन ।

यसअघि पसलहरू बिहान ६ बजेदेखि ११ बजेसम्म मात्रै संचालन गर्न दिइएको थियो। पसल संचालन गर्दा सरकारले तोकेको स्वास्थ्य सुरक्षा मापदण्ड अनिवार्य रूपमा प्रयोग गर्नुपर्ने सहायक प्रमुख जिल्ला अधिकारी अर्यालले बताए ।

जिल्लामा संचालित निजी तथा सार्वजनिक सवारी साधन तथा मोटरसाइकलहरूलाई शुक्रबारदेखि ३१ गतेसम्म जोर–बिजोर प्रणाली लागू गरिएको छ । सार्वजनिक मेला, पर्व, भेला, सभा सम्मेलनलाई पूर्ववत् रूपमा पूर्ण निषेध गरिएको छ ।

सवारी पास नलिई अन्य जिल्लाबाट डडेल्धुरा जिल्लामा आउने यात्रुबाहक सार्वजनिक र निजी सवारी साधनलाई पनि पूर्ण रोक लगाउने निर्णय डिसिसिएमसीको बैठकले गरेको छ ।

सरकारी कार्यालय, संस्थान, बैंक तथा वित्तीय संस्थाहरू, निजी क्षेत्रका कार्यालयहरुमा तोकिएको स्वास्थ्य सुरक्षा मापदण्ड अवलम्वन गरी संचालन गर्न पाइने भएको छ ।

प्रतिकृया दिनुहोस्