Sunday, April 11

मौका छोपेर बलिउडका चर्चित स्टारसँग तस्विर खिचाए नेपाली यी ५ सेलीब्रेटी

January 20, 2021 99

नायिका छुल्ठिम गुरुङले पनि बलिउडका चर्चित अभिनेता सोनु सुदलाई भेटेकी थिइन्। छुल्ठिमले सोनुलाई गत वर्ष भेटेर सामाजिक संजालमा तस्विर पोष्ट गरेसँगै नेपालमा उक्त तस्विरले पनि राम्रै चर्चा पायो ।

दबंग, सिम्बा, लगायतका सुपरहिट बलिउड फिल्ममा भिलेनको भूमिकामा देखा परेका सोनुले पछिल्ला दिनमा समाजसेवाका कारण निकै चर्चामा छन् ।

त्यस्तै कुनै समयकी सर्वाधिक चर्चित नायिका निरुता सिंह पछिल्ला केही वर्षदेखि भारतमा नै बसोबास गर्छिन् । उनले बलिउडका केही चलचित्रकर्मीहरुसँग संगत गरेका तस्विरहरु पनि बाहिरिएका थिए ।नायिका निरुताले केही समय अगाडी नेपाल फर्केर दाल भात तरकारी र क्याप्टेनको एउटा गीतमा अभिनय गरेकी थिइन् ।

नायिका सुष्मा कार्की बलिउड नायक सलमान खानसँगको एउटा तस्विरका कारण रातारात चर्चामा आइन् । नेपालमा खासै नचलेकी यि सुन्दरी सलमानसँगको उक्त तस्विरका कारण केहि समय चर्चामा रहिन ।

उध्रेको चोली आइटम गीतबाट राम्रो चर्चा बटुलेकी सुष्माले फिल्मबाट उनि टाढा जस्तै छिन् । तर उनि बिभिन्न कन्ट्रोभर्सीका कारण चर्चा र बिवादमा रहन्छिन्।

उनको अभिनेता अनुपम खेरसँग खिचाएको तस्विर एक समय भाइरल बनेको थियो । लकडाउनको समयमा नेपाल आएकी नायिका कार्की अहिले म्यूजिक भिडियोमा ब्यस्त छिन् ।

त्यस्तै नायिका जेनिसा केसीसँग केही वर्ष अगाडी खिचाएको तस्विर पनि भाइरल बनेको थियो । नायिका केसी केही समय बलिउडमा नै बसेकी थिइन् । तर अहिले उनी फेरी गुमनाम छिन् ।

त्यस्तै मोडल तथा भिजे सोनिका रोकायाले पनि केही महिना पहिले बलिउडका चर्चित कमेडियन कपिल शर्मासँग अन्तरवार्ता नै गरेपछि उनको चर्चा थप चुलिएको थियो । सोनिकाले कपिलकै कार्यक्रममा पुगेर उनीसँग खिचाएका तस्विर भाइरल भएका थिए ।

नेपालबाट बलिउडमा गएर संघर्ष गर्ने कलाकारहरुको संख्या पछिल्ला दिनमा बढेको छ । अभिनेत्री उषा पौडेलले भारतमा लामो समय संघर्ष गरेको बताइन्छ। उनी केही हिन्दी सिरियलमा देखा परेकी थिइन् । त्यस्तै नायिका सुर्बिना कार्कीले पनि भारतमा नै गएर अभिनय सम्बन्धी क्लास लिएको बताएकी छिन् ।

प्रतिकृया दिनुहोस्